Click on a word to bring up parses, dictionary entries, and frequency statistics
[3]
nihil esse tam regale quam explanationem
aequitatis, in qua iuris erat interpretatio, quod ius [p. 362]
privati petere solebant a regibus, ob easque causas
agri arvi et arbusti et pascui lati atque uberes definiebantur, qui essent regii qui colerenturque sine
regum opera et labore, ut eos nulla privati negotii
cura a populorum rebus abduceret. Nec vero quisquam privatus erat disceptator aut arbiter litis, sed
omnia conficiebantur iudiciis regiis. Et mihi
quidem videtur Numa noster maxime tenuisse hunc
morem veterem Graeciae regum. Nam ceteri, etsi hoc
quoque munere fungebantur, magnam tamen partem
bella gesserunt et eorum iura coluerunt; illa autem
diuturna pax Numae mater huic urbi iuris et religionis fuit, qui legum etiam scriptor fuisset, quas scitis
extare, quod quidem huius civis proprium, de quo
agimus ...
3.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.